තැපැල් වෘත්තීය සමිතිය ආරම්භ කළ වැඩ වර්ජනය අද (22) 5 වැනි දිනටත් ක්රියාත්මක කෙරේ. එවන් පසුබිමක් තුළ මධ්ය තැපැල් හුවමාරුවට පොලිස් ආරක්ෂාව ලබාදී ඇත.
මේ අතර වර්ජකයන් පවසන්නේ සෞඛ්ය හා ජනමාධ්ය අමාත්ය වෛද්ය නලින්ද ජයසිංහ ඉදිරිපත් කළ කොන්දේසි වලට යටත්ව වර්ජනය අවසන් කිරීම පිළිබඳ සාකච්ඡා සඳහා සහභාගිවීම ප්රතික්ෂේප කරන බවය.
ඇඟිලි සලකුණු අනිවාර්යය කිරීම සහ අතිකාල පිළිබඳ තීන්දුව කිසිසේත් හකුලා ගැනීමට රජය කටයුතු නොකරන බව අමාත්ය නලින්ද ජයසිංහ ඊයේ (21) පාර්ලිමේන්තුවේදී අවධාරණය කළේය.
ඉල්ලීම් 19 ක් මුල් කරගනිමින් පසුගිය 17 වෙන දින මධ්යම රාත්රියේ සිට ආරම්භ වූ තැපැල් වෘත්තීය සමිති ක්රියාමාර්ග අද තවදුරටත් ක්රියාත්මකය.
වර්ජනය හේතුවෙන් පසුගිය දින කිහිපය පුරාම තැපෑල මගින් සේවා ලබා ගැනීමට පැමිණි ජනතාව දැඩි අසීරුතාවයට පත්වේ.