පාසල්වල 05 සහ 06 ශ්රේණි හැර 2 ශ්රේණියේ සිට 11 ශ්රේණිය දක්වා සිසුන් ඇතුළත් කිරීම සඳහා නව චක්රලේඛයක් නිකුත් කිරීමට අමාත්ය මණ්ඩල අනුමැතිය හිමිවී තිබේ.
යෝජිත නව අධ්යාපන ප්රතිසංස්කරණ ක්රියාත්මක කිරීම සඳහා පන්ති කාමරයක සිටින ශිෂ්ය සංඛ්යාව අනුමත සීමා තුළ පමණක් පවත්වා ගැනීම අත්යවශ්ය වේ.
එබැවින්, අධ්යාපනය සඳහා රටේ සියලුම දරුවන්ට පවතින අයිතිය තහවුරු කරමින් පාසල්වල 5 සහ 6 වන ශ්රේණි හැර අතරමැදි ශ්රේණි වලට සිසුන් ඇතුළත් කිරීමට අවස්ථාව ලබාදීම සඳහා නිසි ක්රමවේදයක් හඳුන්වාදීම සුදුසු බව හඳුනා ගෙන ඇත.
එම කරුණු සැලකිල්ලට ගනිමින්, අතරමැද ශ්රේණි වලදී විවිධ හේතූන් මත දැනට ඉගෙනුම ලබන පාසලේ සිට වෙනත් පාසලකට ඇතුළත් වීමට සත්ය වශයෙන්ම අවශ්ය සිසුන් සඳහා ප්රමුඛතාවය ලැබෙන පරිදි පාසල් අයදුම් කිරීමේ අවස්ථාව සලසා දීම පිණිස නව චක්ර චක්රලේඛක උපදෙස් නිකුත් කිරීමට සැලසුම් කර තිබේ.
ඒ අනුව, අධ්යාපන, උසස් අධ්යාපන සහ වෘත්තීය අධ්යාපන අමාත්යංශයේ, උපදේශක කාරක සභාව විසින් පත්කරන ලද අනුකාරක සභාව විසින් ඉදිරිපත් කරන ලද නිර්දේශද සැලකිල්ලට ගනිමින්, පාසල් වල 5 සහ 6 වන ශ්රේණි හැර 2 ශ්රේණියේ සිට 11 ශ්රේණිය දක්වා සිසුන් ඇතුළත් කිරීමට අදාලව මේ දක්වා නිකුත් කර ඇති චක්රලේඛ උපදෙස් වලංගු වේ.
ඒ සඳහා නව චක්රලේඛව උපදෙස් නිකුත් කිරීම සඳහා, අධ්යාපන උසස් අධ්යාපන සහ වෘත්තීය අධ්යාපන අමාත්ය වශයෙන් අග්රාමාත්ය හරි අමරසූරිය ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබේ.