ශ්රී ලංකන් එයාර්ලයින්ස් ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන එර්යා බස් ගනුදෙනුවෙන් ලද අල්ලස් මුදලින් රුපියල් මිලියන 60ක මුදලක් 2015 දී හිටපු ජනාධිපති මහින්ද රාජපක්ෂට ලබා දුන් බව අල්ලස් කොමිෂම හමුවේ ප්රකාශ කර තිබේ.
ඒ පිළිබඳව අල්ලස් හෝ දූෂණ විමර්ශන කොමිෂන් සභාව කොළඹ ප්රධාන මහේස්ත්රාත්වරයා වෙත කරුණු ඉදිරිපත් කළ අවස්ථාවේදී මෙම කරුණු ඉදිරිපත් කරන්න ලැබීය. ඊට අමතරව සිවිල් ගුවන් සේවා අමාත්ය ප්රියංකර ජයරත්න මහතාටද රුපියල් මිලියන විස්සක් ලබා දී ඇතැයි ඔහු ප්රකාශ කර තිබේ. ඉහත කරණු සලකා බැලු මහේස්ත්රාත්වරයා කපිල චන්ද්රසේනව ලබන අප්රේල් 02 දක්වා රිමාන්ඩ් බන්ධනාගාර ගතකිරීමට නියෝග කළේය.
ප්රකාශ ලබා ගන්නා අවස්තාවේදී සිය සේවා දායකයාගේ ප්රකාශ ලබා ගන්නා අතරතුර අල්ලසස් කොමිශන් සභාව සිය සේවාදායකයාට තර්ජනය කළ බව කපිල චන්ද්රසේන වෙනුවෙන් පෙනි සිටි නීතිඥවරයා අධිකරණය හමුවේ කරුණු දක්වා තිබේ. එම චෝදනා ප්රතික්ෂේප කළ අල්ලස් කොමිසම කියා සිටියේ කපිල චන්ද්රසේන විසින් දිවුරුම් ප්රකාශයක් ලබාදීමට බලාපොරොත්තුවෙන් සිටින බවත්, දිවුරුම් ප්රකාශය ලබාගෙන ඔහුව සැකකරුවෙකු ලෙස නම් නොකර සාක්ෂිකරුවකු ලෙස නම් කළ යුතු බවට යෝජනා කර තිබෙන බව තවදුරත් සදහන් වෙයි.