පුද්ගලයින් ලියාපදිංචි කිරීමේ දෙපාර්තමේන්තුවේ පරිගණක පද්ධතිය යළිත් වරක් බිඳවැටී තිබේ.
ඒ හේතුවෙන් ජාතික හැඳුනුම්පත් නිකුත් කිරීමේ එක්දින සේවය ඇතුළු සියලුම සේවාවන් සිදු නොකෙරෙන බව වාර්තා වෙයි.
ඉකුත් 23 වනදා ද පුද්ගලයින් ලියාපදිංචි කිරීමේ දෙපාර්තමේන්තුවේ පරිගණක පද්ධතියේ හදිසි බිඳවැටීමක් සිදුවී තිබුණි.
ඒ අනුව දෝෂ නිවැරදි කිරීමෙන් පසු 24 වනදා උදෑසන 11 සිට ජාතික හැඳුනුම්පත් නිකුත් කිරීමේ එක්දින සේවය ඇතුළු සියලුම සේවාවන් නැවත ආරම්භ කිරීමට පියවර ගැනුණි.
එවන් පසුබිමක් තුළ අද (26) දිනයේ පරිගණක පද්ධතිය යළිත් වරක් බිඳවැටී ඇත.