ආන්දෝලනාත්මක ‘ක්‍රිෂ්’ ගනුදෙනුවට අදාළව අල්ලස් හෝ දූෂණ චෝදනා විමර්ශන කොමිෂන් සභාව විසින් කොළඹ ප්‍රධාන මහේස්ත්‍රාත් අධිකරණයේ පවත්වනු ලබන නඩුවකදී, ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා එහි සිව්වන විත්තිකරු ලෙස නම් කර තිබේ.
ප්‍රකට ඉන්දියානු දේපළ සංවර්ධන සමාගමක් වන ‘ක්‍රිෂ්’ ආයතනය සම්බන්ධයෙන් සිදුවී ඇතැයි පැවසෙන මූල්‍ය අක්‍රමිකතා සහ අල්ලස් ලබාගැනීමේ චෝදනා මත අල්ලස් කොමිසම විසින් මෙම නඩුව අධිකරණය හමුවේ ගොනු කර ඇත.
මේ වන විට මෙම නඩුවට අදාළ විමර්ශන සහ අධිකරණ කටයුතු අඛණ්ඩව ඉදිරියට සිදුකෙරෙමින් පවතී. මීට අමතරව, අල්ලස් කොමිසම විසින් මීට පෙර අධිකරණයෙන් ලබාගත් විශේෂ අවසරයකට අනුව, මේ වන විට බන්ධනාගාරගත කර සිටින මන්ත්‍රීවරයාගෙන් මේ සම්බන්ධයෙන් ප්‍රකාශයක්ද සටහන් කර ගෙන ඇති බව වාර්තා වේ.