හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතාට එරෙහිව ගොනු කර ඇති මුදල් විශුද්ධිකරණය වැළැක්වීමේ නඩුවේ වැඩිදුර සාක්ෂි විභාගය මේ මස 30 වනදා දක්වා කල් තැබීමට කොළඹ මහාධිකරණය අද (15) නියෝග කළේය.
මෙම නඩුව අද දිනයේ කොළඹ මහාධිකරණ විනිසුරු උදේශ් රණතුංග මහතා ඉදිරියේ කැඳවනු ලැබීය.
මුදල් විශුද්ධිකරණය වැළැක්වීමේ පනත යටතේ යෝෂිත රාජපක්ෂ මහතාට එරෙහිව මෙම නඩුව පවරා ඇති අතර, අද දින නඩුව විභාගයට ගත් අවස්ථාවේදී පැමිණිලි පාර්ශ්වයේ සාක්ෂිකරුවන්ගෙන් සාක්ෂි සටහන් කර ගැනීමද සිදු කෙරිණි. ඉන් අනතුරුව, වැඩිදුර සාක්ෂි විභාග කිරීම සඳහා නඩුව මේ මස 30 වැනිදා යළි කැඳවීමට මහාධිකරණ විනිසුරුවරයා නියෝග කර තිබේ.