ජනාධිපති අනුර කුමාර දිසානායක මහතා විසින් අමාත්යංශ කිහිපයක විෂය පථයන්, කාර්යයන්, දෙපාර්තමේන්තු, ව්යවස්ථාපිත ආයතන, සහ රාජ්ය සංස්ථා වෙනස් කරමින් ගැසට් නිවේදනයක් නිකුත් කර තිබේ.
වත්මන් ආණ්ඩුවේ කැබිනට් මණ්ඩලයේ පසුගියදා සිදු වූ සංශෝධනයට සමගාමීව මෙම විෂය පථ වෙනස් කිරීම් සිදු කර තිබෙන බව සඳහන් වේ.
එම සංශෝධනවලට අනුව ආරක්ෂක අමාත්යංශය යටතේ පැවති සිවිල් ආරක්ෂක දෙපාර්තමේන්තුව සහ අධිකරණ හා ජාතික ඒකාබද්ධතා අමාත්යංශය යටතේ පැවති පුනරුත්ථාපන කාර්යංශය පවතින්නේ මහජන ආරක්ෂක හා පාර්ලිමේන්තු කටයුතු අමාත්යංශය යටතේය.
සීමාසහිත ශ්රී ලංකා ත්රිපෝෂ සංස්ථාව සෞඛ්ය අමාත්යංශයෙන් වෙළෙඳ වාණිජ ආහාර සුරක්ෂිතතා සහ සමූපකාර සංවර්ධන අමාත්යංශයට මාරු කර තිබේ.
සීමාසහිත සැලසිනේ මීඩියා සොලියුෂන්ස් පුද්ගලික ආයතනය බුද්ධ ශාසන ආගමික සහ සංස්කෘතික කටයුතු අමාත්යංශයෙන් ගෙන සෞඛ්ය සහ ජනමාධ්ය අමාත්යංශය යටතට පවරා තිබේ.
භූ විද්යා, සමීක්ෂණ හා පතල් කාර්යංශය පරිසර අමාත්යංශයෙන් කර්මාන්ත ව්යවසායකත්ව සංවර්ධන අමාත්යංශය වෙත පවරා ඇති අතර කෘෂි කර්ම, පශු සම්පත්, ඉඩම් සහ වාරිමාර්ග අමාත්යංශය යටතේ තිබූ කුරුඳු සංවර්ධන දෙපාර්තමේන්තුව පත්ව ඇත්තේ, වැවිලි සහ ප්රජා යටිතල පහසුකම් අමාත්යංශය යටතටයි.
තවද, බලශක්ති අමාත්යංශය යටතේ ඇති ලංකා විදුලිබල සමාගම සීමාසහිත ලංකා විදුලි පෞද්ගලික සමාගම ලෙස සංශෝධනය කර තිබේ.
විදුලි බලමණ්ඩලය ප්රතිව්යුහගතකරණය යටතේ හඳුන්වා දුන් නව ආයතන 4 ද මෙම නව ගැසට් පත්රය මගින් ප්රකාශයට පත් කර තිබේ.
මීට අමතරව, පසුගිය කැබිනට් සංශෝධනයේදී හඳුන්වා දුන් නව අමාත්යංශවල විෂය පථයන් ද මෙම නව ගැසට් පත්රය මගින් පැහැදිලි කර දී ඇත.