ධීවරයින්ගේ සමාජ ආරක්ෂාව ශක්තිමත් කරමින් ඉහළ විශ්රාම වැටුප් ප්රතිලාභ සහිත නව විශ්රාම වැටුප් යෝජනා ක්රමයක් හඳුන්වා දී ඇත. 1990 අංක 23 දරණ ධීවර විශ්රාම වැටුප් හා සමාජ ආරක්ෂණ යෝජනා ක්රම පනත යටතේ ක්රියාත්මක වන මෙය, වර්තමාන ආර්ථිකයට ගැළපෙන ලෙස වඩාත් ආකර්ෂණීය අයුරින් සංශෝධනය කර ඇත.
මෙම යෝජනා ක්රමය ධීවර හා ජලජ සම්පත් දෙපාර්තමේන්තුව සහ කෘෂිකාර්මික හා ගොවිජන රක්ෂණ මණ්ඩලය එක්ව ක්රියාත්මක කරයි.
නව යෝජනා ක්රමයේ විශේෂත්වය වන්නේ ධීවර කාර්මිකයාගේ ක්රය ශක්තියට හා කැමැත්තට අනුව විශ්රාම වැටුප් මට්ටම තෝරා ගැනීමට හැකි වීමයි. ඒ අනුව, වයස අවුරුදු 60 න් පසුව මාසිකව ලබා ගැනීමට කැමති විශ්රාම වැටුප් ප්රමාණය රු.5,000, රු.10,000, රු.15,000, රු.20,000, රු.25,000 හෝ ඊට වැඩි ලෙස තම අභිමතය පරිදි තෝරා ගත හැක.
තවද, මෙම යෝජනා ක්රමය යටතේ වයස වැඩි වීමත් සමඟ විශ්රාම වැටුප් ප්රමාණය ඉහළ යාම විශේෂ ලක්ෂණයකි. උදාහරණයක් ලෙස, මාසිකව රු.1,000ක විශ්රාම වැටුපකට දායක වුවහොත්
- වයස 64–70 අතර රු.1,250ක්,
- වයස 71–77 අතර රු.2,000ක්,
- වයස 78 න් පසුව රු.5,000ක්
ලෙස විශ්රාම වැටුප ඉහළ යාමට හැකි වේ.
මෙයට අමතරව, ජීවිත රක්ෂණ ප්රතිලාභ, විශ්රාම වැටුප් ලාභියා මියගිය අවස්ථාවේදී කාලාත්රයාට විශ්රාම වැටුප හිමිවීම, සහ ධීවර කටයුතු හා ඒ ආශ්රිත රැකියාවන්හි නිරත පුද්ගලයින්ටද දායක වීමට හැකි වීම මෙම නව යෝජනා ක්රමයේ අනෙකුත් වැදගත් ප්රතිලාභ ලෙස සඳහන් වේ.
මෙම නව විශ්රාම වැටුප් යෝජනා ක්රමය හරහා ධීවරයින්ට ආරක්ෂිත සහ ගෞරවනීය විශ්රාම ජීවිතයක් සලසා දීම රජයේ අරමුණ බව සඳහන් කරයි.