පසුගිය දින කිහිපය තුළ ඉන්ධන මිල ඉහළ යාම හා ඉන්ධන හිඟයක් සම්බන්ඳයෙන් අසත්ය ප්රචාරයක් පැතිරෙමින් තිබූ බව ඛනිජ තෙල් නීතිගත සංස්ථාව සඳහන් කරයි.
මෙම මාසය අවසන් වනතුරු සහ ජූලි මාසය අවසානය දක්වා අවශ්ය ඉන්ධන සංචිත මේ වනවිට මෙරට තුළ පවතින බවයි ඛනිජ තෙල් නීතිගත සංස්ථාව සහ තොග පර්යන්ත සමාගමේ කළමනාකර අධ්යක්ෂ මයුර නෙත්තිකුමාරගේ මහතා පවසා සිටින්නේ.
එමෙන්ම,මෙම මස 28 සහ 31 වන දිනයන් වලදී තවත් බොරතෙල් නැව් 2 ක් දිවයිනට පැමිණීමට නියමිතව තිබෙන බව ද ඔහු පැවසීය.
ඉන්ධන මිල වැඩි වීම හෝ ඉන්ධන නැති වීම යන කාරණයන් මත තෙල් පෝලිම් වලට රැස්වීමේ කිසිදු උවමනාවක් නොමැති බව ඛනිජ තෙල් නීතිගත සංස්ථාව අවධාරණය කරයි.
ඒ අනුව අවශ්ය තරම් තෙල් තොග ලංකාවේ තිබියදී සමාන්ය පිරිදි තම අවශ්ය ප්රමාණයට ඉන්ධන ලබා ගැනීම සඳහා පිරවුම්හල් වෙත යන ලෙසයි ඛනිජ තෙල් නීතිගත සංස්ථාව ජනතාවගෙන් ඉල්ලා සිටින්නේ.
