NPPයට ආණ්ඩු බලය ලැබුණත් රාජ්‍ය බලය තවම ලැබී නැහැ – නියෝජ්‍ය ඇමති ප්‍රසන්න ගුණසේන
ජාතික ජන බලවේගයට (NPP) ආණ්ඩු බලය ලැබී ඇතත්, තවමත් රාජ්‍ය බලය ලබාගෙන නොමැති බව නියෝජ්‍ය අමාත්‍ය ප්‍රසන්න ගුණසේන මහතා පවසනවා. SYU විසින් සංවිධානය කරන ලද රැලියක් අමතමින් ඔහු සඳහන් කළේ, පාර්ලිමේන්තුවේ ආසන 159ක බහුතර බලයක් ලබාගෙන, ජනාධිපතිවරයෙකු පත් කරගෙන සහ පළාත් පාලන ආයතනවල සහයද ලබාගෙන තිබියදීත් NPP රැලි පවත්වන්නේ ඇයිදැයි ඇතැමුන් ප්‍රශ්න කරන බවයි.
ඔහු පැවසුවේ ආණ්ඩු බලය ලබාගැනීම සහ රාජ්‍ය බලය ලබාගැනීම දෙකක් බවයි.
“අපිට ලැබිලා තියෙන්නේ මොන වගේ බලයක්ද? අපිට ලැබිලා තියෙන්නේ පාලන බලය විතරයි. රාජ්‍ය බලය කියලා තවත් කොටසක් තියෙනවා. මේ බලය ඔබට ඡන්දය දීලා ලබාගන්න පුළුවන් දෙයක් නෙවෙයි. රාජ්‍ය බලය කියන්නේ ඔබ රාජ්‍ය පද්ධතිය හරහා ඉදිරියට යන තැනටයි. උදාහරණයක් විදියට, රජයේ ව්‍යාපෘති ක්‍රියාත්මක වෙන්නේ රාජ්‍ය බලය හරහා. රාජ්‍ය බලය කියන්නේ ඔබට එක දවසින් ලබාගන්න පුළුවන් දෙයක් නෙවෙයි. රාජ්‍ය බලය තහවුරු කරගන්න කාලයක් යනවා. මේක පරිපාලන යුගයක්.”
කෙසේ වෙතත්, ආණ්ඩු බලය සහ රාජ්‍ය බලය ප්‍රජාතන්ත්‍රවාදී ක්‍රමයකින් ලබාගනිමින් රට සංවර්ධනය කිරීමට කටයුතු කරන ලෝක ඉතිහාසයේ පළමු අවස්ථාව මෙය බව නියෝජ්‍ය අමාත්‍යවරයා ප්‍රකාශ කලේය.
NPPය ප්‍රජාතන්ත්‍රවාදීව බලයට පැමිණ රට සංවර්ධනය කිරීමට කටයුතු කරන බව ලෝකයට පෙන්වීම අවශ්‍ය බැවින් තවදුරටත් ජන රැලි පවත්වන බවද ඔහු වැඩිදුරටත් සඳහන් කළා.
