නාමල් රාජපක්ෂ මන්ත්‍රීවරයා රක්ෂිත බන්ධනාගාරගත කිරීම විවේචනය කරමින් විමල් වීරවංශ මහතා සිදුකළ ප්‍රකාශය අධිකරණයට අපහාසයක්ද යන්න සම්බන්ධයෙන් විමර්ශනයක් සිදුකරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම මහතා අද (18) පොලිස්පතිවරයාට නියෝග කර තිබෙනවා.
අල්ලස් හෝ දූෂණ චෝදනා විමර්ශන කොමිසම කළ ඉල්ලීමක් සලකා බැලීමෙන් අනතුරුව මෙම නියෝගය නිකුත් කර ඇති බව සඳහන්.
පසුගිය සැප්තැම්බර් 12 වැනිදා අනුරාධපුරයේ පැවති ශ්‍රී ලංකා පොදුජන පෙරමුණේ රැලියකට සහභාගි වෙමින් විමල් වීරවංශ මහතා සිදුකළ ප්‍රකාශයක් සම්බන්ධයෙන් මෙම විමර්ශනය සිදුකිරීමට නියමිතයි.
අදාළ ප්‍රකාශයට අයත් රූපරාමු ලබාගෙන විමර්ශනය සිදුකරන ලෙසද පොලිස්පතිවරයාට අධිකරණය නියෝග කර තිබෙනවා.
මේ අතර, ශ්‍රීලංකන් ගුවන් සමාගමේ එයාර්බස් ගනුදෙනුවට අදාළ නඩුවේ නාමල් රාජපක්ෂ මහතා ලබන සැප්තැම්බර් 29 වැනිදා දක්වා තවදුරටත් රක්ෂිත බන්ධනාගාරගත කිරීමටද අධිකරණය අද නියෝග කළා.
