ශ්‍රී ලංකාවේ ප්‍රමුඛ පෙළේ සන්නාම 02ක් වන Prime Group සහ Melwa එක්ව Port City Colombo හී ‘මරීනා’ (Marina) කලාපයෙහි අති සුඛෝපභෝගී මහල් නිවාස ව්‍යාපෘතිය නිළ වශයෙන් ආරම්භ කර තිබෙනවා.
කොළඹ වරාය නගරයේ පිහිටි සුවිශේෂීම ප්‍රදේශය වන යොට් නැවත්වීමට පහසුකම් ඇති, ඉන්දියානු සාගරයේ දර්ශනියම View එක ලැබෙන ‘මරීනා’ ඉදිරිපස වටිනාකමින් ඉහලම මෙම භුමි බාගය Prime සහ Melwa සමාගම් විසින් එක්ව තෝරාගැනීමට විශේෂ හේතු කිහිපයක් මුල්වී තිබෙනවා.
අනාගතදී මෙම ඉඩමේ වටිනාකම ඉහල යාමේ ප්‍රවණතාව මගින් ව්‍යාපෘතියට ඉහල අගයක් එකතුවීම, විදේශ ආයොජකයින් ආකර්ෂණය කරගැනීමට ඇති හැකියාව සහ ලෝකයේ ඉදිකරන ලද මරිනා(Marina) ව්‍යාපෘති වලට විශාල ඉල්ලුම සමගම ඉහල වටිනාකමින් යුක්ත වීම වැනි කරුණු එම හේතු අතර සුවිශේෂී වනවා.
එමෙන්ම මෙම ඉඩම Port City Colomboහී මරීනා (Marina) කලාපයේ ‘මරීනා (Marina)’ට සෘජුව මුහුණලා ඇති අවසන් ඉඩම් කොටස වන අතර මෙහි අති සුඛෝපභෝගී මහල් නිවාස ව්‍යාපෘතියක් Prime Group හී මව් සමාගම වන Prime Lands (Pvt) Ltd යටතේ ස්ථාපිත කළ Prime Melwa Port City (Pvt) Ltd සිදු කරයි.
මේ වන විටත් මෙම ව්‍යාපෘතියට දේශිය සහ විදේශිය අයෝජකයින්ගෙන් විශාල ඉල්ලුමක් ලැබි ඇති අතර මෙම ව්‍යාපෘතිය, ශ්‍රී ලංකාව දකුණු ආසියාවේ සුවිශේෂීම ව්‍යාපාර හා ජීවන රටාවන්ගේ කේන්ද්‍රස්ථානයක් බවට පත් කිරීමට ගත් වැදගත් පියවරක් ලෙස සැලකේ.
