ඥානසාර හිමියන් වෙනුවෙන් පැවැත්වෙන පාගමන කොළඹට ළඟා වන විට උන්වහන්සේ නිදහස් කළ යුතු බව පූජ්‍ය උලපනේ සුමංගල හිමියෝ අවධාරණය කරති. ඥානසාර හිමියන් නිදහස් කරගැනීමේ පාගමන අතරතුර අදහස් දක්වමින් උන්වහන්සේ සඳහන් කළේ, තමන්ගේ ප්‍රධාන අදිටන වන්නේ ඥානසාර හිමියන් නිදහස් කර ගැනීම බවයි.
බන්ධනාගාර කොමසාරිස්වරයාට සහ අමාත්‍ය හර්ෂණ නානායක්කාරට භික්ෂූන් වහන්සේ නමකගේ චීවරය සම්බන්ධයෙන් තීරණ ගැනීමට කිසිදු විනයානුකූල හෝ සදාචාරාත්මක අයිතියක් නොමැති බවද පූජ්‍ය උලපනේ සුමංගල හිමියෝ මෙහිදී ප්‍රකාශ කළහ.
කඩවතට පැමිණෙන විට නිත්‍ය නියෝග ඉවත් කර ඇති බව ප්‍රකාශ කළද, එවැනි නියෝග ඉවත් කිරීම තමන්ට අදාළ නොවන බවද උන්වහන්සේ වැඩිදුරටත් සඳහන් කළහ.
