මේ තමයි රුමේෂ් මේ දක්වා දිනපු හොඳම තරගාවලිය. මේ අවුරුද්ද පුරාම බලාගෙන හිටියේ මේ මොහොත එනකම්.
මේ දක්වා ලෝක ඉතිහාසයේ කවදාවත් නොතිබුණු Ultimate Championship එකේ දී, ලෝකයේ හොඳම කියලා තර්ක නොකර කියන්න පුළුවන් තරගකරුවන් අතරෙත් අංක එක වෙනවා කියන්නේ වෙන මොනවද වෙන්න ඕන.
රුමේෂ් දැන් ඉන්නේ ඔලිම්පික් නෙවෙයි ඊට එහා දෙයක් වුනත් Achieve කරන්න පුළුවන් Peak එකක. රුමේෂ් තමයි හෙල්ල විසි කිරීමේ ඉසව්වේ ලෝකයේ පළවෙනි Ultimate Champion. ඒක කවදාවත් වෙනස් නොවෙන Title එකක්.
ඒකත් මීටර් 90කට එහා දුරක් දානවා කියන්නේ ලේසි නැහැ. රුමේෂ් ඒකත් මේ අවුරුද්දේ තුන් වතාවක් කළා. ඒ මදිවට ඒ හැම අවස්ථාවක්ම ඉතාම හොඳ තරගයක් තිබුණු ඒවා.
රුමේෂ් ලෝකය අල්ල වැඩවලින් පළවෙනි එක හරි. ඊළඟට 2027 ලෝක ශූරතාවය, ඊට පස්සේ 2028 ඔලිම්පික්. මේක අපේ හීනවලටත් එහායින් යන ගමනක්!
– අනුජ වික්‍රමසිංහ
