P19 ඉඳන් P1ට… Kimi දිනපු Monza race එකේ ඇත්තම වීරයා කවුද?
අවුරුදු ගණනක් පුතාගේ පිටුපසින් හිටපු Marco Antonelli, අවසානයේ තමන්ගේ පුතා ඉතාලි F1 ඉතිහාසය වෙනස් කරන හැටි බලාගෙන හිටියා
Monza race එක පටන් ගන්න කලින් Kimi Antonelli ගැන කතා කරපු බොහෝ දෙනෙක්ට තිබුණේ එකම අදහසක්.
මේ race එක Kimiට අමාරු වෙයි.
Grid එකේ 19 වැනි ස්ථානයෙන් පටන් ගන්න වෙලා තියෙනවා. ඒකට හේතුව power unit penalties. ඉතින් තමන්ගේ home race එකේ podium එකක් ගැන හිතන එකත් ලේසි වැඩක් නෙවෙයි.
ඒත් race එක ඉවර වෙනකොට සිද්ධ වෙලා තිබුණේ වෙන දෙයක්.
Kimi Antonelli Monza දින්නේ.
19 වැනි ස්ථානයෙන් පටන් අරගෙන.
George Russellව අවසාන අදියරේදී පසුකරලා.
Max Verstappenවත් පිටුපසට දාලා.
ඒකෙන් වසර 60කට පස්සේ Monza හිදී Italian driver කෙනෙක්ට තමන්ගේ රටේ Grand Prix එක දිනන්න අවස්ථාව ලැබුණා. 1966දී Ludovico Scarfiottiගෙන් පස්සේ මේක තමයි එවැනි පළමු ජයග්රහණය. Kimiට මේ වෙද්දී වයස අවුරුදු 20යි.
ඒ නිසා මේක Kimiගේ career එකේ ලොකුම දවසක් කියලා කියන්න පුළුවන්.
හැබැයි මේ race එක දිහා වෙනත් කෙනෙක් බලපු විදිහ ගැනත් ටිකක් හිතන්න වටිනවා.
**Kimiගේ තාත්තා Marco Antonelli.**
ඇත්තටම ඊයේ රෑ හොඳටම නිදාගත්තේ Kimiද, නැත්නම් Marcoද කියලා අහන්න හිතෙන්නේ ඒ නිසා.
—
## මේ කතාව Monza වලින් පටන් ගත්ත එකක් නෙවෙයි
Kimiගේ Formula 1 ගමන ගැන අපි දැන් කතා කරන්නේ ජයග්රහණ ගැන.
Mercedes.
Pole positions.
Podiums.
Championship.
හැබැයි මේ ගමනේ හැමදාම ලස්සන දවස් තිබුණේ නැහැ.
2024දී Kimi පළමු වතාවට Mercedes එකකින් Monza track එකට ආවේ FP1 session එකකට. ඒ session එක ඔහුට මතක තියෙන්නේ හොඳ හේතුවකට නෙවෙයි. මිනිත්තු කිහිපයක් ඇතුළත ඔහුගේ Mercedes එක track එකෙන් ඉවතට ගිහින් barrier එකක නතර වුණා. එදා Kimi ගැන ප්රශ්න තිබුණා. මේ තරුණයා ඇත්තටම Formula 1 එකට සූදානම්ද? Mercedes ඔහුව ඉක්මනින් ඉහළට ගෙනාවද? ඔහුට මේ pressure එක handle කරන්න පුළුවන්ද?
අද ඒ ප්රශ්න දිහා ආපහු බලනකොට ඒවා ටිකක් විහිළුවක් වගේත් පේනවා. මොකද අවුරුදු දෙකකට පස්සේ, ඒ same Monza track එකේම Kimi ඉතිහාසයක් ලියලා ඉවරයි.
Kimiගේ ගමනේ පළමු driver කෙනා ඔහුගේ තාත්තා Marco Antonelliත් racing වලට සම්බන්ධ කෙනෙක්. ඔහුට තමන්ගේ racing career එක Formula 1 දක්වා ගෙනියන්න බැරි වුණා.
ඒත් ඔහුට racing ගැන තිබුණු දැනුම, අත්දැකීම් සහ තමන්ට අහිමි වූ අවස්ථා ගැන තිබුණු හැඟීම පුතාගේ ගමනට එකතු වුණා. Kimi පොඩි කාලේ ඉඳන්ම Marco ඔහු එක්ක හිටියා.
පරාජයන්.ජයග්රහණ. හැම තැනකම. තාත්තා කෙනෙක් විදිහට ඔහු Kimiව support කළා. හැබැයි ඒ support එක හැමදාම මෘදු එකක් වුණේ නැහැ. සමහර වෙලාවට Marco Kimiගෙන් වැඩියෙන් ඉල්ලුවා. තමන්ගේ පුතාට ඔහුට පුළුවන් කියලා හිතන දේට වඩා වැඩි දෙයක් කරන්න කියලා තල්ලු කළා. ඒ වෙලාවේ Kimiට ඒක හැමදාම තේරුණේ නැති වෙන්න පුළුවන්. ඒත් අද ආපහු බලද්දී ඒ හැමදේකම අර්ථය ටිකක් වෙනස්.
මොකද තමන්ගේ පුතා දැන් Formula 1 driver කෙනෙක්.
ඒ විතරක් නෙවෙයි. ඔහු දැන් තමන්ගේ රටේ Grand Prix එක දිනපු Formula 1 driver කෙනෙක්.
Monza race එකේදී කිසිම දෙයක් ලේසි වුණේ නැහැ P19 කියන්නේ Formula 1 race එකක් ජයගන්න හොඳ තැනක් නෙවෙයි. ඒත් Kimi race එක පටන්ගත්තට පස්සේ එකින් එක cars පසුකරගෙන ඉහළට එන්න පටන් ගත්තා. Race එක අතරතුර ඔහු top positions වලට ආවා. අවසානයේ ඔහුට ඉස්සරහින් හිටියේ තමන්ගේම Mercedes team-mate George Russell. Russell race එකේ වැඩි කොටසක් lead කළා. හැබැයි අවසාන අදියරේදී Kimiට තිබුණු tyre advantage එකත් එක්ක ඔහුට Russellට challenge කරන්න අවස්ථාව ලැබුණා. Race එක අවසන් වෙන්න laps දෙකක් විතර තියෙද්දී Kimi move එක කළා. Russell පසුකරලා lead එක ගත්තා.
ඊට පස්සේ…
Kimi Antonelli won the Italian Grand Prix
P19 to P1. ඒක number එකකින් කියනකොට ලේසියි.
හැබැයි Formula 1 car එකක් එක්ක grid එකේ අන්තිමට ආසන්න තැනකින් පටන් අරගෙන race එකේ අන්තිමට පළමු තැනට එන එක කොච්චර අමාරුද කියන එක F1 බලන කෙනෙක්ට අමුතුවෙන් කියන්න ඕන නැහැ.
ඒ මොහොතේ Marcoට මොනවා හිතෙන්න ඇතිද?
මේක තමයි story එකේ වඩාත්ම interesting කොටස. Podium එකේ Kimi trophy එක අතට ගන්නවා.Monza crowd එක කෑගහනවා. Italian flags හැමතැනම.
Mercedes team එක celebrate කරනවා.
Kimiගේ මුහුණේ තවමත් විශ්වාස කරන්න බැරි වගේ expression එකක්. ඒ අතරේ ඔහුගේ තාත්තා මේ හැමදේම බලගෙන ඉන්නවා. එතැනට Kimi එන්න කලින් අවුරුදු ගණනක් තියෙනවා.
Karting tracks.
පොඩි races.
පරාජයන්.
අනතුරු.
විවේචන.
සැක.
ඒ හැමදේම.
තාත්තා කෙනෙක් තමන්ගේ පුතාට “ඔයාට මේක කරන්න පුළුවන්” කියලා කියන එක ලේසියි. හැබැයි ඒ පුතා ඇත්තටම ලෝකයේ ඉහළම මට්ටමට ගිහින් ඒක කරලා පෙන්නන දවස බලන එක? ඒක වෙනම දෙයක්.
Kimi දැන් තමන්ගේ තාත්තාගේ සිහිනයත් පහු කරලාද?
සමහරවිට.
Marcoට Formula 1 driver කෙනෙක් වෙන්න බැරි වුණා. Kimiට ඒ අවස්ථාව ලැබුණා. දැන් ඔහු Mercedes එකේ driver කෙනෙක්.
ඒ විතරක් නෙවෙයි, 2026 championship එකේ ඉදිරියෙන්ම ඉන්න driverත් ඔහු. Monza ජයග්රහණයෙන් පස්සේ Kimiගේ championship lead එක George Russellට වඩා points 66ක් දක්වා වැඩි වෙලා තියෙනවා. ඒ කියන්නේ දැන් කතාව Monza victory එකෙන් ඉවර නැහැ. ඇත්තටම දැන් තමයි තවත් ලොකු කතාවක් පටන් ගන්නේ.
Kimi Antonelliට මේ අවුරුද්දේ Formula 1 World Championship එක දිනාගන්න පුළුවන්ද?
වයස අවුරුදු 20යි. දෙවැනි F1 season එක. තමන්ගේ රටේ Grand Prix එක දිනලා ඉවරයි. Championship එකේ lead එකේ ඉන්නවා.
ඒ අතරේ තාත්තා?
සමහරවිට ඔහුට දැන් පුතාට තවත් උපදෙස් දෙන්න දෙයක් නැතුව ඇති. අවුරුදු ගණනක් තිස්සේ කියපු දේවල්වලින් එකක්වත් දැන් අවශ්ය නැහැ. මොකද Kimi ඒක කරලා පෙන්නලා ඉවරයි.
“මට පුළුවන්” කියපු පුතා, දැන් ඒක ලෝකයටම පෙන්නලා තියෙනවා. ඒ නිසා Monza race එකෙන් පස්සේ හොඳටම නිදාගත්තේ කවුද කියලා තවමත් හිතාගන්න බැරි නම්… Kimiට නම් හොඳට නිදාගන්න හේතුවක් තිබුණා.
හැබැයි Marco? අවුරුදු ගණනක් බලාගෙන හිටපු දවසක් තමන්ගේ ඇස් දෙකෙන් දැකපු තාත්තා කෙනෙක්ට ඒ රෑ නින්ද යන්නත් ටිකක් අමාරු වෙන්න ඇති.
