ආයෝජනය සඳහා ශ්රී ලංකාව සාමකාමී සහ හිතකර ගමනාන්තයක් වන බැවින් ඔස්ට්රේලියානු ආයෝජකයින්ට
මෙරටට ආරාධනා කරන බව කථානායක වෛද්ය ජගත් වික්රමරත්න මහතා ශ්රී ලංකාවේ ඔස්ට්රේලියානු මහ කොමසාරිස් මැතිව් ඩක්වර්ත් මහතාට පවසා තිබේ.
ඒ කථානායකවරයා හා ශ්රී ලංකාවේ ඔස්ට්රේලියානු මහ කොමසාරිස් මැතිව් ඩක්වර්ත් මහතා අතර පසුගියා ද සිදුවු සාකච්ඡාවේ දීය.
මෙම සාකච්ඡාවට පාර්ලිමේන්තුවේ මහ ලේකම් කුෂානි රෝහණදීර මහත්මිය ද සහභාගී වූවාය.
මෙම හමුවේදී දෙරට අතර ද්විපාර්ශ්වික සබඳතා ශක්තිමත් කිරීම සඳහා ඔස්ට්රේලියාව දීර්ඝකාලීනව ලබා දී ඇති සහයෝගය පිළිබඳව ශ්රී ලංකාවේ අවංක කෘතඥතාව පළ කරන බවද පැවසු කථානායකවරයා, මෙරටට පැමිණෙන සංචාරකයින්ගේ ආරක්ෂාව පිළිබඳ අඛණ්ඩ සහතිකය තහවුරු කළේය.
මෙහිදී ඔස්ට්රේලියානු මහ කොමසාරිස්වරයා පුළුල් පරාසයක ක්ෂේත්ර ඔස්සේ ශ්රී ලංකාව සමඟ සහයෝගීතාව තවදුරටත් තහවුරු කිරීම සඳහා ඔස්ට්රේලියාවේ කැපවීම නැවත තහවුරු කළේය.
මේ අතර, ශ්රී ලංකා වෙළඳපොළේ පරිප්පු ඇතුළු ඔස්ට්රේලියානු කෘෂිකාර්මික නිෂ්පාදන පවතින බව ඔස්ට්රේලියානු මහ කොමසාරිස් තවදුරටත් පෙන්වාදුන් අතර, විශේෂයෙන්ම කෘෂිකාර්මික අංශයේ ද්විපාර්ශ්වික වෙළඳාම පුළුල් කිරීමේ හැකියාව පිළිබඳවද එහිදී අවධානය යොමුකර ඇත.
ශ්රී ලංකාව සහ ඔස්ට්රේලියාව අතර පවතින කල් පවත්නා සහ මිත්රශීලී සබඳතා පිළිබිඹු කරමින්, විවිධ ක්ෂේත්ර හරහා සහයෝගිතාව තවදුරටත් ශක්තිමත් කිරීම සඳහා වූ අන්යෝන්ය කැපවීම දෙපාර්ශ්වය විසින් මෙහිදී නැවත තහවුරු කර තිබේ.
