අවිධිමත් විදේශ ගමන් බලපත්රයක් සන්තකයේ තබා ගැනීම සම්බන්ධයෙන් නියම කෙරුණු වසර දෙකක සිරදඬුවම හා දඩයට එරෙහිව ශෂී වීරවංශ මහත්මිය ඉදිරිපත් කළ අභියාචනය කොළඹ මහාධිකරණය අද (11) ප්රතික්ෂේප කළේය.
තීන්දුව ප්රකාශයට පත් කරමින් කොළඹ මහාධිකරණ විනිසුරු මංජුල තිලකරත්න මහතා සඳහන් කළේ, අභියාචක විත්තිකාරියට එරෙහිව කොළඹ මහෙස්ත්රාත් අධිකරණය විසින් දුන් තීන්දුව ස්ථීර කරන බවය.
අදාළ චෝදනාවට වරදකරු කෙරුණු ශෂී වීරවංශ මහත්මියට ඉකුත් 2022 වසරේ කොළඹ මහෙස්ත්රාත් අධිකරණය විසින් වසර දෙකක සිරදඬුවමක් හා රුපියල් ලක්ෂයක දඩයක් නියම කර තිබුණි.
එම දඬුවම්වලින් තමන්ව නිදහස් කරන ලෙස ඉල්ලා ඇය විසින් කොළඹ මහාධිකරණයට මෙම අභියාචනය ඉදිරිපත් කළාය.
