පාර්ලිමේන්තු මන්ත්රී නාමල් රාජපක්ෂ මහතා මාලදිවයිනේ සංචාරය නිමා කරමින් අද (29) උදෑසන කටුනායක ගුවන් තොටුපළ වෙත පැමිණියේය.
එහිදී ඔහුගේ පැමිණීම බලාපොරොත්තුවෙන් නීතිඥවරු කිහිප දෙනෙකු සහ දේශපාලන ආධාරකරුවන් පිරිසක්ද කටුනායක ගුවන්තොටුපළ පරිශ්රයට පැමිණ ඇති බව වාර්තාවේ.
හම්බන්තොට අධිකරණය මගින් නිකුත් කර තිබෙන වරෙන්තුවකට අනුව නාමල් රාජපක්ෂ මහතාව කටුනායක දී අත්අඩංගුවට ගැනීමේ සූදානමක් පවතින බවට පළ වූ වාර්තා පදනම් කරගෙන මෙලෙස ඔහුගේ ආධාරකරුවන් පිරිසක් ගුවන් තොටුපළ පරිශ්රයට පැමිණ තිබුණි.
එවන් පසුබිමක් තුළ අද (29) උදෑසන 11.30 ට පමණ මාලදිවයිනේ මාලේ නුවර සිට ශ්රීලංකන් ගුවන් සේවයේ යූ.එල් 102 තරණ ගුවන් යානයෙන් නාමල් රාජපක්ෂ මහතා කරුණායක ගුවන් තොටුපළ වෙත පැමිණ තිබුණි. පසුව නාමල් රාජපක්ෂ මහතා දහවල් 12.30ට පමණ කටුනායක ගුවන්තොටුපළ විශේෂ අමුත්තන්ගේ මැදිරිය ඔස්සේ පිටව ගියේය.
2017 වර්ෂයේදී හම්බන්තොට වරාය විදෙස් රටවලට පැවරීමට එරෙහිව පැවති විරෝධතාවකදී අධිකරණ නියෝග නොතකමින් කටයුතු කිරීම සම්බන්ධයෙන් නාමල් රාජපක්ෂ මන්ත්රීවරයා ඇතුළු පිරිසකට එරෙහිව නඩුවක් ගොනුකර තිබේ.
එම නඩුව ඊයේ (28) කැඳවූ අවස්ථාවේ අවස්ථාවේදී මන්ත්රීවරයා අධිකරණය හමුවේ පෙනීී නොසිටීම හේතුවෙන් මෙලෙස ඔහු අත්අඩංගුවට ගෙන අධිකරණයට ඉදිරිපත් කරන ලෙස හම්බන්තොට මහේශාත් අධිකරණය පොලිසියට නියෝග කර ඇති බව පොලිසිය සඳහන්කරයි.
