දේශබන්දු නෙරපන විවාදය අද

පොලිස්පති දේශබන්දු තෙන්නකෝන් මහතා නෙරපීමේ යෝජනාව පිළිබඳ විවාදය අද (05) ආරම්භ වීමට නියමිතයි.

පෙ.ව 9.30 – පෙ.ව 10.00 කාලය ස්ථාවර නියෝග 22 හි 01 සිට 06 දක්වා සඳහන් පාර්ලිමේන්තු කටයුතු සඳහා වෙන්කර තිබේ.

පෙරවරු 10.00 – 11.00 කාලය වාචික පිළිතුරු අපේක්‍ෂා කරන ප්‍රශ්න සඳහා වෙන්කර ඇති අතර, පෙරවරු 11.00 – 11.30 කාලය ස්ථාවර නියෝග 27 (2) යටතේ ප්‍රශ්න සඳහා වෙන්කර ඇති බව පාර්ලිමේන්තු සන්නිවේදන දෙපාර්තමේන්තුව තවදුරටත් සඳහන් කරයි.

අනතුරුව පෙරවරු 11.30 සිට ප.ව 4.00 දක්වා 2002 අංක 5 දරන නිලධාරීන් ඉවත් කිරීමේ (කාර්ය පටිපාටිය) පනතේ 17 වගන්තිය ප්‍රකාරව දේශබන්දු තෙන්නකෝන් ධුරයෙන් ඉවත් කිරීම සඳහා වන යෝජනා සම්මතය විවාදයට ගැනීම සිදුවේ. ප.ව 4.00 ට එයට අදාළ ඡන්ද විමසීමෙන් පැවැත්වීමට නියමිතයි.

ප.ව 4.15 සිට ප.ව 5.30 දක්වා ප්‍රතාතන විරෝධී සහ ප්‍රතිතෝලන බදු පනත යටතේ නියෝග සහ අධිකරණ සංවිධාන පනත යටතේ නියෝගය විවාදයට ගෙන අනුමත කිරීමටත්, ඉන්පසු ප.ව 5.30 සිට ප.ව 6.00 දක්වා විපක්ෂ විසින් ගෙනෙනු ලබන යෝජනාවකට අනුව සභාව කල්තබන අවස්ථාවේ යෝජනාව විවාදයට ගැනීමටත් නියමිතයි.