නියමිත වන්දි මුදල් සම්පූර්ණයෙන් නොගෙවීම නිසා හිටපු අමාත්‍ය කෙහෙළිය රඹුක්වැල්ල ඇතුළු සිව්දෙනෙකුට ශ්‍රේෂ්ඨාධිකරණය විසින් විදෙස් ගමන් තහනමක් පනවා තිබේ. අගවිනිසුරු ප්‍රීති පද්මන් සූරසේන මහතා ඇතුළු ත්‍රිපුද්ගල විනිසුරු මඩුල්ලක් විසින් මොවුන් බැඳුම්කර මත මුදාහරිමින් මෙම නියෝගය ලබාදී ඇත.
ප්‍රමිතියෙන් තොර ඖෂධ ආනයනය කිරීමෙන් මූලික අයිතිවාසිකම් උල්ලංඝනය වී ඇති බවට තීන්දු කරමින් ශ්‍රේෂ්ඨාධිකරණය මීට පෙර කෙහෙළිය රඹුක්වැල්ල මහතාට රුපියල් මිලියන 75ක වන්දියක් ගෙවීමට නියෝග කළේය. නමුත් ඔහු ගෙවා ඇත්තේ රුපියල් මිලියන 20ක් පමණි. වන්දි නොගෙවීම සම්බන්ධයෙන් ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානය ඉදිරිපත් කළ මෝසමක් සලකා බැලීමෙන් අනතුරුව අධිකරණය මෙම පියවර ගෙන ඇත.
