දිවයින පුරා පාසල් ඊයේ (27) දිනයේ නොපැවැත්වීමට ගත් තීරණය සම්බන්ධයෙන් කාලගුණ විද්‍යා දෙපාර්තමේන්තුවෙන් කිසිදු විමසීමක් සිදුකර නොමැති බව එහි අධ්‍යක්ෂ ජනරාල් අජිත් විජේමාන්නගේ මහතා ප්‍රකාශ කර තිබේ. පවතින කාලගුණ තත්ත්වය සැලකිල්ලට ගනිමින් පාසල් පැවැත්වීම පිළිබඳව තීරණය ගැනීමේදී තම දෙපාර්තමේන්තුවෙන් කිසිදු උපදෙසක් ලබාගෙන නොමැති බවත්, ඒ සම්බන්ධයෙන් සාකච්ඡාවක් හෝ පවත්වා නොමැති බවත් ඔහු සඳහන් කර ඇත.
ඒ අනුව, දිවයිනේ සියලු පාසල් නොපැවැත්වීමට ගත් තීරණය කාලගුණ විද්‍යා දෙපාර්තමේන්තුවේ තීරණයක් නොවන බව ඔහු වැඩිදුරටත් අවධාරණය කළේය. මේ අතර, අර්නාබ් සුළි කුණාටුව ක්‍රමයෙන් ඉන්දියාව දෙසට ගමන් කිරීම හේතුවෙන් ශ්‍රී ලංකාවට එමඟින් ඇතිවන බලපෑම ක්‍රමයෙන් අඩුවෙමින් පවතින බවද කාලගුණ විද්‍යා දෙපාර්තමේන්තුව පවසයි.
